യുവതിയെ അക്രമിച്ച് വസ്ത്രങ്ങള്‍ വലിച്ചൂരാന്‍ ശ്രമിക്കുന്ന ദൃശ്യങ്ങള്‍ വൈറലായി : പ്രതികള്‍ അറസ്റ്റില്‍

ഗയ: യുവതിയെ മര്‍ദ്ദിക്കുകയും വസ്ത്രങ്ങള്‍ വലിച്ചഴിക്കാന്‍ ശ്രമിക്കുകയും ചെയ്ത സംഭവത്തിലെ പ്രതികളെ പോലീസ് പിടികൂടി. സമൂഹ മാധ്യമങ്ങളില്‍ പ്രചരിച്ച വീഡിയോയുടെ സഹായത്തോടെയാണ് പോലീസ് പ്രതികളെ പിടികൂടിയത്. വിജയ് യാദവ്, സുരേഷ് ചൗധരി എന്നിവരെയാണ് പോലീസ് അറസ്റ്റ് ചെയ്തത്.

ബീഹാറിലെ ഗയയിലാണ് സംഭവം. ഒരു കൂട്ടം ആളുകള്‍ യുവതിയെ ക്രൂരമായി ആക്രമിക്കുകയും വസ്ത്രം വലിച്ചു കീറാന്‍ ശ്രമിക്കുന്നതിന്‍റെയും ദൃശ്യങ്ങള്‍ സാമൂഹ്യ മാധ്യമങ്ങളില്‍ വന്‍ തോതില്‍ പ്രചരിച്ചിരുന്നു. തുടര്‍ന്നാണ് വസീര്‍ഗഞ്ച് പോലീസ് സംഭവത്തിലെ പ്രതികള്‍ക്കെതിരേ കേസെടുത്ത് അന്വേഷണം ആരംഭിച്ചത്.

യുവതിയുടെ സുഹൃത്തായ യുവാവും ആക്രമണത്തിന് ഇരയായിരുന്നു. ഗ്രാമത്തിന് അപമാനം വരുത്തിവെച്ചെന്നാരോപിച്ചാണ് അക്രമികള്‍ യുവതിയെ മര്‍ദ്ദിച്ചത്. 13 പേര്‍ ചേര്‍ന്നാണ് ഇവരെ മര്‍ദ്ദിച്ചത് .ഇവരില്‍ എട്ടു പേരും പ്രായപൂര്‍ത്തിയാവാത്തവരാണ്.

പ്രതികളില്‍ രണ്ടുപേരുടെ മുഖം വീഡിയോയില്‍ വ്യക്തമായിരുന്നത് അവരെ തിരിച്ചറിയുന്നതും പിടികൂടുന്നതും എളുപ്പമാക്കിയെന്ന് ഗയ എസ്.പി. രാജീവ് മിശ്ര പറഞ്ഞു. ഇവരെ ചോദ്യം ചെയ്യുന്നതിലൂടെ മറ്റു പ്രതികളെയും പിടികൂടാനാവുമെന്നും അദ്ദേഹം വ്യക്തമാക്കി.

Leave a Reply

Your email address will not be published. Required fields are marked *